O QUE SOMOS
AS NOSAS ORIXES
A idea levaba tempo nas nosas cabezas: é posible crear unha cooperativa de comunicación? Temos todo o necesario?
Despois de dous anos traballando xuntos en Carretando, o noso proxecto irmán, pensamos que si. Que o autoemprego podía garantir un futuro laboral de calidade, que respectase á vida, e dentro dunha organización máis democrática.
Xacias emerxe co obxectivo de que os nosos valores persoais estiveran tamén no noso traballo. E chegamos cunha máxima: a importancia de achegar contidos de calidade nun ecosistema dixital hiperpoblado.
🗞️ En Extradixital recolleron o noso nacemento: Nace Xacias, nova cooperativa de comunicación en Galicia.
O NOSO EQUIPO
Especializado en comunicación política, corporativa e dixital.
Román Varela
Xornalista e consultor institucional
Cun Máster en Comunicación Política e Social da Universidade Ramón Llull, Román formou parte do gabinete de prensa do Concello das Pontes e da Comisición Nacional del Mercado de Valores (CNMV). Tamén foi redactor de El Progreso de Lugo e xestionou campañas políticas a nivel municipal.
Carmen del Río
Xornalista e consultora política
Carmen é a persoa que marca as liñas a seguir dentro dos contidos de márketing dixital. Cun Mestrado en Márketing e Comunicación Política da Universidade de Santiago de Compostela (USC), foi redactora en EuropaPress e traballou con empresas galegas na creación de contido.
Adrián Vázquez
Investigador e xornalista
Adrián é investigador na Universitat Autónoma de Barcelona e achega unha visión panorámica da economía política das TIC. Fundamental para a creación de análises que teñan en conta o contexto dixital do presente. Tamén exerceu de redactor en La Voz de Galicia.
Miguel Ledo
Deseñador gráfico, fotógrafo e ilustrador
Graduado en Belas Artes e cun Mestrado en Deseño Gráfico da escola LABASAD, Miguel coordina os servizos máis artísticos de Xacias. É o responsable da liña gráfica dos clientes, da cobertura fotográfica e da xeración de ilustracións para cartelería, folletos e outras publicacións físicas.
Pablo J. Rañales
Escritor e xornalista
Especializado en narrativas dixitais e creación de estratexias en medios sociais, Pablo pasou polo gabinete de prensa do Concello de Ares, xestionou campañas políticas en redes a nivel local e foi redactor de La Voz de Galicia. Tamén é autor de tres novelas e gañador do Premio Illa Nova de Narrativa 2023.
